Dei to store spørsmåla i dag; Reiser Anga seg etter den begredelige 2.omgangen i Naustdal forrige veke? Og er Sander Dvergsdal tilbake?
Svara får du i kveld dersom du tek turen til Hafstadparken kl. 19:15.
Motstandar i kveld er Tempo. Eit velorganisert og duellsterkt mannskap tek turen til Sunnfjord. Dei har lik poengsum som Anga, men har dårlegare målskilnad.
Tempo har ein tendens til å avgjere tette kampar, men går det ille, så går det riktig ille, slik som tapet mot Florø 3 (6-3 tap). Mot Anga er dei ikkje favoritt.
Statistikken for dei siste 3 kampane mot Tempo er 3 sigarar, med ein målforskjell på pene 16-3. Alt ligg til rette for mykje mål også i denne kampen, noko Anga har levert til de grader denne sesongen.
Avspark 19:15 i Hafstadparken.
